Skip to main content

Carbháin

Tá na prionsabail ó thaobh a bheith ag fanacht sábháilte ó dhóiteán i gcarbhán, teach soghluaiste, srl., mar an gcéanna leis na cinn a bhaineann le teach, ach tá roinnt nithe breise is gá a chur san áireamh: 


Sábháilteacht sa Charbhán


  • Bíonn dóiteáin i gcarabháin iontach contúirteach.
  • Bíodh plean aslonnaithe agat, imigh amach go gasta.
  • Bíodh do mhúchtóir dóiteáin agus do bhlaincéad dóiteáin féin agat agus cinntigh go bhfuil conas agus cathain iad a úsáid ar eolas ag gach duine.
  • Cinntigh go mbíonn do shorcóir gás (LPG) lasmuigh, ar thalamh comhréidh agus in áit atá aeráilte go maith agus amach ó aon fhoinse teasa.
  • Cinntigh go mbeidh nasc maith ann leis an bpíopa gáis agus go mbíonn an sorcóir daingnithe.
  • Cuir do théitheoir breosla soladaigh ina sheasamh ar leac ceart mhiotail nó chloiche.
  • Ná húsáid peitreal, pairifín nó breosla díosail chun sorn nó téitheoir, ina n-úsáidtear breosla soladach, a lasadh.
  • Ba chóir luaithreach a thabhairt ar shiúl le sluasaid mhiotail agus buicéad miotail agus a fhágáil lasmuigh in áit shlán shábháilte le fuarú.
  • Úsáid garda le haghaidh na spréach le do chuid fearas téimh.


Sábháilteacht ar an láithreán


  • Cinntigh go bhfuil druil dóiteáin nó gnáthamh sábháilteachta ag do láithreán chomh maith le bealach le fios a chur ar na seirbhísí sábháilteachta.
  • Faigh amach cá bhfuil an trealamh comhraicthe dóiteáin atá ar fáil agus bíodh a fhios agat conas é a fheidhmiú.
  • Páircéail carbháin agus tithe soghluaiste 6 mhéadar amach óna chéile ar a laghad.
  • Páirceáil gluaisteáin achar maith amach ó charbháin agus ó thithe soghluaiste.
  • Ná stóráil peitreal, díosal nó coimeádáin gháis faoi bhun do charbháin nó do thigh shoghluaiste.
  • Cuir coimeádáin fholmha in áit shábháilte nó i stóras oiriúnach amach ó charbháin agus ó fheithiclí agus amach ó aon fhoinse teasa.
  • Ná bíodh bruscar á charnadh suas timpeall ar charbhán riamh. Is guais dóiteáin é.
  • Príontáil

Foilseacháin agus Cáipéisí

Nuacht agus Óráidí

Reachtaiocht