Skip to main content

Forbairt Inbhuanaithe

Réamhrá


Sainmhínítear an Fhorbairt Inbhuanaithe de ghnáth mar “fhorbairt a chomhlíonann riachtanais na linne seo gan cur isteach ar chumas na nglún amach anseo lena riachtanais féin a chomhlíonadh".
Cé gur léir gur saincheist uileghabhálach é seo, a bhaineann le gach rannán den Roinn seo, le gach Roinn eile Rialtais agus le hiomlán na sochaí, pléann an tAonad um Fhorbairt Inbhuanaithe leis na saincheisteanna ó thaobh polasaithe a bhrúnn an clár oibre um fhorbairt inbhuanaithe chun cinn.


Forbairt Inbhuanaithe a Dhéanamh d’Fhorbairt na hÉireann – 2002


|n 2002, tháirg an Roinn Comhshaoil, Oidhreachta agus Rialtais Áitiúil “Making Ireland's Development Sustainable”, athbhreithniú cúig bliana ar Straitéis bhunaidh 1997. Bhí sé úsáideach mar thuarascáil náisiúnta na hÉireann um fhorbairt inbhuanaithe do Chruinniú Mullaigh an Domhain in Johannesburg um Fhorbairt Inbhuanaithe freisin, a reáchtáladh in 2002. Scrúdaíonn an tuarascáil dul chun cinn a rinneadh sna deich mbliana ó bhí Cruinniú Mullaigh Rio de Janeiro ann. 

 
Forbairt Inbhuanaithe – Straitéis d’Éirinn - 1997


Ba é an aidhm a leagadh amach d’Éirinn in ár gcéad straitéis um fhorbairt inbhuanaithe, a foilsíodh in 1997, ná “a chinntiú gur féidir an eacnamaíocht agus sochaí in Éirinn a fhorbairt go barr a gcumais laistigh de chomhshaol a bheidh cosanta go maith, gan cur isteach ar cháilíocht an chomhshaoil sin agus le freagracht i dtreo ghlúine na linne seo agus amach anseo agus don chomhshaol idirnáisiúnta ar bhonn níos leithne".
Leanann na príomhspriocanna agus polasaithe a sainmhíníodh i bhfoilseachán 1997, Forbairt Inbhuanaithe: Straitéis d’Éirinn, ar aghaidh le próiseas forbartha agus seachadta na bpolasaithe agus na gclár, i réimse na cosanta comhshaoil agus na forbartha inbhuanaithe, a threorú. Bealach buntábhachtach le forbairt chothromaithe a dhaingniú ná ceisteanna comhshaoil a thabhairt san áireamh mar chuid de réimsí polasaithe eile. 


Comhairle Comhar um Fhorbairt Inbhuanaithe


Is éard atá i gComhairle Comhar um Fhorbairt Inbhuanaithe, a bhunaigh an tAire Comhshaoil, Oidhreachta agus Rialtais Áitiúil in 1999 ná an fóram le haghaidh comhairliúcháin agus idirphlé náisiúnta maidir le gach saincheist a bhaineann leis an tír seo a bheith ag leanúint leis an bhforbairt inbhuanaithe. Imríonn sé ról tábhachtach sa phróiseas le polasaithe maidir leis seo a fhorbairt agus a chur i ngníomh. Tá a thuilleadh faisnéise faoi Comhar ar fáil óna suíomh idirlín http://www.comharsdc.ie/


Polasaí an Aontais Eorpaigh um Fhorbairt Inbhuanaithe


Tá an Fhorbairt Inbhuanaithe ina thasc lárnach den Chomhphobal Eorpach de bharr Chonradh Amstardam. D’iarr ceannairí Stáit agus Rialtais an AE ar an gCoimisiún i mí na Nollag 1999 Straitéis um Fhorbairt Inbhuanaithe a tháirgeadh don AE agus é a chur i láthair Chruinniú Mullaigh Göteborg i mí Mheitheamh 2001. An teideal a bhí ar an Straitéis seo ná “A Sustainable Europe for a Better World”.

Chuaigh ceannairí Stáit agus Rialtais an AE le Straitéis Athnuaite an AE um Fhorbairt Inbhuanaithe ag a gcruinniú an 15/16 Meitheamh 2006.

Is féidir a thuilleadh faisnéise ar ghníomhaíochtaí an AE um Fhorbairt Inbhuanaithe a fháil ó leathanach idirlín Choimisiún na hEorpa um Fhorbairt Inbhuanaithe.


Soláthar Poiblí Glas


In Éirinn, bíonn buiséad ceannacháin iomlán an Rialtais agus na hearnála poiblí os cionn €10 mbilliún in aghaidh na bliana. Dá sonródh ceannaitheoirí san earnáil phoiblí, critéir a bheadh ina mbuntáiste ó thaobh an cúrsaí comhshaoil ina sonraíochtaí, agus é sin a dhéanamh go seasta, bheadh sé ina údar meallta suntasach leis “an margadh a bhogadh” i dtreo earraí agus seirbhísí, a bheadh níos fearr ó thaobh an chomhshaoil de, a sholáthar sa chaoi is gur chiallmhaire iad a cheannach ó thaobh cúrsaí eacnamaíochta. Tá rún daingean ag an Rialtas an Soláthar Poiblí Glas (SPG) a chur chun cinn mar sin.
Tá freagracht foriomlán as polasaithe don soláthar poiblí in Éirinn ar Aonad Náisiúnta na Roinne Airgeadais um Pholasaithe don Soláthar Poiblí. Coinníonn an tAonad an suíomh idirlín http://www.etenders.gov.ie/ ar bun, atá ina thairseach lárnaithe ina bhfuil faisnéis chuimsitheach maidir leis an soláthar poiblí. Tá ról na ceannaireachta ar an Aonad um Fhorbairt Inbhuanaithe, maidir leis an mbealach a sholáthraítear ábhar don earnáil phoiblí, a dhéanamh "níos glaise" trasna na hearnála poiblí. Bíonn dlúth-idirchaidreamh againn mar sin leis an Aonad le faisnéis a chur chun suntais ar http://www.etenders.gov.ie/ maidir leis an mbealach le ceisteanna comhshaoil a thabhairt san áireamh mar chuid de chleachtais ceannacháin le haghaidh earraí agus seirbhísí.

Tá Lámhleabhar an AE um Sholáthar Poiblí atá Neamhdhíobhálach don Chomhshaol san áireamh leis seo. Tá Lámhleabhar Procura Plus, arna fhoilsiú ag Rialtais Áitiúla ICLEI don Inbhuanaitheacht  ina threoir an-phraiticiúil agus úsáideach maidir leis an soláthar poiblí costéifeachtach. Tá samplaí agus cás-staidéir idirnáisiúnta ann ó eagraíochtaí éagsúla san earnáil phoiblí.


Coinníonn an Coimisiún Eorpach suíomh idirlín aonfheidhme ar bun maidir leis an Soláthar Poiblí Glas. Tá faisnéis san áireamh leis seo ar Phleananna Aicsin Náisiúnta na mBallstát maidir leis an SPG, a samhlaíodh mar chuid den phróiseas le Plean Aicsin an AE um Theicneolaíochtaí Comhshaoil (PATC) a chur i ngníomh. Tá an tAonad um Fhorbairt Inbhuanaithe ag ullmhú Phlean Aicsin Náisiúnta na hÉireann um SPG faoi láthair



Tuilleadh Faisnéise


Má bhíonn aon fhiosrúcháin bhreise agat, is féidir leat dul i dteagmháil leis an Aonad um Fhorbairt Inbhuanaithe, mar seo a leanas:

Aonad um Fhorbairt Inbhuanaithe,
Roinn Comhshaoil, Oidhreacht agus Rialtais Áitiúil,
Seomra 2.51,
Teach an Chustaim,
Baile Átha Cliath 1.

Rphost: sustainabledevelopment@environ.ie
Facs: Aonad um Fhorbairt Inbhuanaithe - 01 888 2014

  • Príontáil

Foilseacháin agus Cáipéisí

Nuacht agus Óráidí

Reachtaiocht